Referat årsmøte 14.03.21

 

1.       Godkjenne dei stemmeberettiga.
Godkjent

2.       Godkjenne saklista.
Godkjent

3.       Velge møteleiar.
Kjetil Rutledal

4.       Velge referent.
Suzanne Bauge

5.       Velge 2 medlemmer til å underskrive protokoll.
Maike Norman Bøe og Rune Østerbø.

6.       Behandle idrettslaget si årsmelding, herunder gruppeårsmeldingar.
Gruppeårsmeldingane og årsmeldinga til idrettslaget blir lagt i Årsmøtearkiv-fana på nettsida
Gått igjennom årsmeldinga.

7.       Behandle idrettslaget sitt rekneskap.
Gått igjennom rekneskapet, OK.

8.       Behandle forslag og saker.

1. Fjelltrimpremiering.
Styret i trimgruppa vil gå rundt med premiar til dei som har klart kravet for 2020.

2. Renovering av Eivindvik stadion.
Styret i idrettslaget ser at området rundt fotballbana forfell, og ynskjer å gjere dette området attraktivt og funksjonelt igjen. Vi har sett opp fylgjande mål for renoveringa;

 

-Få på plass to rundløpsbaner med kunstdekke.

-Lage til fire sprintbaner med kunstdekke på vestsida av fotballbana.

-Totalrenovere tennisbana, legge på nytt kunstdekke.

-Lage nytt lengdetilløp med kunstdekke samt utbetre lengdegropa.

-Renovere kastsirkelen, evt med kastebur rundt.

 

Styret har kontakta Unisport, eit firma som driv med renovering og nybygg av idrettsanlegg, for å sjå om dette er mogeleg å gjennomføre for oss. Unisport har tidlegare hatt ansvar for bygginga av idrettsbana i Solund og bana på Matre.

Vi hadde ein konsulent frå firmaet på vitjing i fjor haust. Han vurderte då eksisterande grunnarbeid på løpebane, eksisterande asfaltdekke på tennisbana og i lengdetilløpet samt lengdegrop og kastsirkel.

Resultatet vart at om ein skal kunne søke om og få spelemidlar til prosjektet som eit idrettsanlegg, krevst det ei total masseutskifting der løpebaner, tennisbane og lengdetilløp skal vere. Det er eit krav for utbetaling av spelemidlar at drenering av vatn skal gå GJENNOM kunststoffdekket, asfaltunderlag og grunnmassar og ut i undergrunnen. Det vert i tillegg stilt svært strenge krav til kor jamnt underlaget/kunstdekket er når anlegget er ferdigstilt, og at ein merkar løpebaner etter internasjonal standard(Breidde løpebaner 1,22 meter.).

Alternativt kan ein søkje om spelemidlar for eit Nærmiljøanlegg. Krava til presisjon og jamnheit mm vil då vere lågare, men ein vil og få ei mykje lågare utbetaling av spelemidlar. Ved ei slik løysing kan det vere tilstrekkeleg å berre skifte ut topplaget av massane, men ein står då og i fare for mellom anna problem med telehiv eller overflatevatn grunna dårleg drenering. I ein slik situasjon vil ein ikkje få dekka evt skadar på toppdekket.

Uansett kva løysing ein går for, er det viktig å dele prosjektet opp i fire separate søknadar. Ein for løpebane, ein for tennisbane, ein for lengdetilløp/grop og ein for kastsirkel. Dette vil gje større uttelling med tanke på spelemidlar enn om ein sender inn ein søknad for heile prosjektet.

Eit einstemmig årsmøte vedtok å opprette ei arbeidsgruppe på fire personar som jobbar vidare med denne saka. Denne gruppa vil vurdere om eit slikt prosjekt er gjennomførbart, ikkje minst økonomisk, samt vurdere alternative løysingar opp mot kvarandre. Tanken er å la økonomien styre mykje av valet, i den forstand at ein vel best mogelege løysing utfrå dei økonomiske rammene ein har.

Arbeidsgruppa består på noverande tidspunkt av leiar i idrettslaget(Kjetil Rutledal), baneleiar(Frode Håvåg) og kasserar(Maike Norman Bøe). Eit fjerde medlem vil verte utnemnd innan kort tid.

Når arbeidsgruppa har gått grundig gjennom alle aspekt ved prosjektet og teke stilling til kva dei meiner er beste løysing, må det fattast ei avgjerd. Årsmøtet ga einstemmig arbeidsgruppa, i samarbeid med styret, mandat til å ta denne avgjerdsla utan å måtte kalle inn til eit ekstraordinært årsmøte. Unntaket her er om ein ser at det kan verte aktuelt å ta opp lån for å få gjennomført prosjektet.

 

           3. Nettsida til Eivindvik IL.

               Vist til søkefanen på nettsiden, for å enkelt kunne hente opp informasjon.
               Nærmer oss 100 000 visninger på nettsiden!

           4. Planar i nær framtid, frisbeegolf og ballbinge.
               Frisbeegolf:

 

Frisbeegolfbana skal gjerast ferdig i vår. Det må lagast til utkastpunkt for alle fangarane, laggast kloppar i myra mellom fangarane. Vi må kjøpe skilt til å nummerere utkastpunkta, skilt med kartutsnitt av løypa og innteikna utkastpunkt og fangarar, skilt som tydeleg viser at det er ei frisbeegolfbane på staden. Ny postkasse til frisbeear og skrivesaker må kjøpast inn. Vi bestiller ein bil med singel, overskotssingel går til å legge i våte område på stien som startar ved Karibenken.                 

 

Ball binge:

Området utanfor ballbingen må ordnast. Vi må sette opp dissestativet som ligg der, kjøpe inn eller lage benkar til dei som vil sette seg nedpå litt, samt legge ut grus/singel og gjere området fint.

 

9.       Fastsette medlemskontingent.
Medlemskontingenten blir som før, 400kr for familie og 200kr for enkeltperson.

10.   Val.
Gjennomgang av valget, ingen innvendinger.

11.   Undersøke om det er behov for revisor i Eivindvik IL.