Årets 17.mai-feiring i Eivindvik vert litt annleis enn vanleg. Etter ynskje frå komiteen publiserar idrettslaget programmet her på nettsida.
17.mai-feiring i Eivindvik 2020
Som sikkert dei fleste har fått med seg, blir det ikkje noko tradisjonell 17. mai feiring i
Eivindvik i år. Det betyr at kapproinga, toget, matserveringa og leikane på skuleplassen
utgår. Vi vil likevel prøve å få til litt alternativt nettbasert program der heile familiar kan
delta heimafrå.
Utanom ordføraren sin tale til alle Gulingane, vil det foreløpige programmet sjå slik ut:
Kl. 8:00 Salutt
Kl.10:00 Familiekonkurransen «Goosechase light» startar på nettet.
Den blir avslutta kl. 17.
Kl. 10:30 Utlegging av 17. mai nøtter. Dersom det blir fint vêr blir det natursti i staden.
Ein kan då velje om ein vil gå langs turstien Sollibotn - Øvre Stølen eller Øvre
Stølen - Haugane. Dei same spørsmåla vil bli lagt ut begge plassar. Vilkårleg
kva ende ein startar i. Frist for innlevering av løysingar kl. 17.
Kl. 11:15 «Hjelpekorpset» vil spele for pasientar ved sjukeheimen.
Kl. 12:00 Kransenedlegging ved minnestøtta utanfor kyrkja. Tale ved ordføraren.
«Hjelpekorpset» spelar. Vi minner om at alle må vere flinke til å
overhalde smittevernreglane!
Kl. 12:45 «Hjelpekorpset» spelar for bebuarar ved eldresenteret.
Kl. 15:00 Familiekonkurransen «Kahoot» startar på nettet.
Kl. 20:00 Utlegging av videoklipp frå tidlegare revyinnslag frå EUL.
I tillegg vil vi prøve å få lagt ut videoar av betraktningar/tankar omkring 17. mai frå 5. og 8.
klassingar ved Eivindvik skule, i løpet av dagen.
Det blir premiering for 1. - 3. plass på familekonkurransane «Goosechase light» og «Kahoot»,
og trekking av èin vinnar av 17. mai nøttene/naturstien. Premiane vil bli utkøyrt om kvelden.
For meir detaljar omkring familiekonkurransane og 17. mai nøttene/naturstien, logg inn på
Eivindvik Ungdomslag si facebookside.
Laila og Rune
-leiarar-
Kva er «Goosechase light»?
Vi har kalla det for «light» fordi vanlegvis må ein laste ned ein app for å kunne delta i
konkurransen. Sidan vi reknar med at det blir mange påmelde fam. ville det koste ganske
mykje for ein slik app. Vi valde difor ein litt anna måte å gjere det på.
Kort fortalt er dette ein familiekonkurranse der det blir lagt ut (gjerne praktiske) oppgåver som heile
familien/hustanden må vere med på å løyse. Ein i fam. må ta bilete av korleis oppgåvene er
løyst, og sende desse til ei oppgjeve e-postadresse. Kor ein melder seg på, og kor ein sender
inn bileta kjem vi attende til.
Kvar løyst oppgåve gjev x antal poeng, og det er om og gjere å få mest poeng. Det er ikkje
tidsfrist på kvar oppgåve, men løysingane må vere innsendt før kl.17:00.
Kva er «Kahoot»?
Dette er kort fortalt ein digital quiz der ein familie/hustand har ein mobil med appen Kahoot.
Dei melder seg på til Halvor Elde eller Bjarte Undertun, og alle får tilsendt spørsmåla til
mobilen. Det er 4 svaralternativ, og det er om og gjere å svare rett på kortast mogleg tid. Her
er det altså viktig å sitje klar når konkurransen startar kl. 15:00. Undervegs kan ein fylgje
med på korleis ein ligg an i forhold til dei andre laga som er med. Det er om og gjere å ha
flest poeng på kortast tid. Det kan vere opp til 50 fam./husstandar som deltek.
Fotokavalkade på 17.mai
Vi viser til kommunen si heimeside der dei etterlyser foto frå dei ulike grendene
i Gulen til bruk i ein eigen fotokavalkade på 17. mai. Har du oversiktsbilete over
ulike delar av bygda vår, send på e-post til Denne e-postadressa er beskytta mot program som samlar e-postadresser. Du må aktivere javaskript for å kunne sjå den. innan 10. mai.
Unngå andre personar på bileta, og skriv ein liten tekst om kva ein ser, og kor
bilete er teke frå.
Laila og Rune
-leiarar-
