Tradisjonen tru arrangerte Eivindvik IL laurdag den årvisse 1.mai-turen. Turen gjekk i år som i 2019 til toppen av Sagefjellet.

Parkering og  løypestart var langs Dingjevegen, ved skiltet til Sagefjellet. I god smittevernånd starta familiar litt gruppevis.

Ungar proppfulle av energi sprang, klatra og hoppa seg opp- og nedover i terrenget.

Totalt 31 turgåarar i alderen 5-76 år tok seg til topps denne dagen. Været var på vår side, lettskya opphaldsvær, lite vind og tørre løyper.

 Vel oppe var det tid for mat og ein prat medan ungane utfolda seg i nærområdet.

Etter ei triveleg stund på toppen og ein flott start på 1.maidagen, gjekk turen i roleg tempo ned att stien og til bilane. Tre blad Haveland gjekk "motsatt" veg, to tok turen mot Kvitebergnova og ein gjekk mot Kjerringnova.

Takk til alle som deltok og gjorde dette til ei fantastisk oppleving for liten og stor!