Nettsida til Eivindvik idrettslag nådde ein milepæl i dag, 9. februar 2020. Etter at ein har jobba i det små med funksjonalitet og

utbetringar i eit par år, installerte vi ein "besøksteljar" den 3. oktober 2019.

Dette for å sjå om sida vart brukt i det heile, og om ein ville få jamnt over bra besøkstal om ein prøvde å vere flink og legge inn nyhende regelmessig. 

Svaret på spørsmåla over er JA. Om ein reknar ut antal besøk delt på antal dagar sidan oppstart, ser ein at sida i snitt har vorte besøkt 77 gonger pr dag. Dette er vi i redaksjonen særs godt nøgd med, og er langt over det vi forventa når vi sette i gang.

Vi vonar å vidareutvikle produktet, og har fleire idear for framtida. Om alt klaffar, er planen å avduke eit nytt innslag på årsmøtet i idrettslaget no i mars.