Totalt 11 løparar frå Eivindvik IL og Eivindvik skulekrins møtte opp til årets utgåve av det 13 kilometer lange Kongeløpet frå Byrknes til Skjerjehamn. Ytterlegare to løparar deltok i den 5 kilometer lange Kongemarsjen.

Totalt 33 løparar deltok, av desse sprang 20 i herreklassen og 13 i kvinneklassen.

Herreklassen vart vunnen av Hilmar Kråkenes, i kvinneklassen gjekk sigeren til vår eiga Nina Rutledal(sjå bilete over).

Beste lokale løpar i herreklassen vart Ronny Ingebrigtsen på 13.plass, tett fulgt av Bjarte Undertun på 15.plass.

I kvinneklassen gjorde våre lokale nesten reint bord på resultatlista. Nina Rutledal tok som før nemnd 1.plassen, Maike Norman Bøe vart nr. 2 og Anne Britt Molde vart nr 4. 

Kongemarsjen på 5 kilometer gjekk utan tidtaking og kåring av vinnarar. Alette Leknes og Hannah Aurora Rutledal var lokale deltakarar i denne klassen.

Veret viste seg frå si beste side denne dagen, og etter målgang på Skjerjehamn sette folk seg i solsteiken for å nyte heimelaga fiskesuppe og nybakt brød medan ein diskuterte løpet i detalj.