Seint skjærtorsdag kveld eller natt til langfredag har uvedkomande vore med bil inne på turstien. Dei har køyrd inn på stien i Sollibotn, fortsatt til Karibenken og køyrd attende. Stien ber tydelege preg av høg fart.

Idrettslaget har nyleg sett opp skilt ved inngangane til turstien der det står klart og tydeleg at innkøyring med motorkøyretøy er strengt forbode. 

Stien vert nytta av gåande til alle døgnets tider, mellom anna når ein vil ta ein snarveg for å komme seg til eller frå hyttene i Sollibotn.

Med andre ord har sjåføren her sett andre sine liv i fare.

Idrettslaget vil anmelde denne saka, og ber bygdefolk og andre som kan ha informasjon om kven den skudige er om å ta kontakt med oss.

Har du informasjon, kontakt oss på Denne e-postadressa er beskytta mot program som samlar e-postadresser. Du må aktivere javaskript for å kunne sjå den. eller ring leiar Kjetil Rutledal på tlf 99263363.