På turen opp til Hantveitstølen opplever du vestlandet på sitt beste.  Ei nydeleg elv renn ned fjellsida, flotte steinbruer som kryssar elva og hjort og ugler som

betraktar deg frå avstand medan du klyv oppover. Turen passar forbåde gamal og ung, det tek omlag ein og ein halv time å kome seg til topps

Stien startar rett etter elva på Hantveit, går oppover bøen og inn til høgre for elva. Terrenget er lett stigning fram til første post - Rothågen. På denne posten får du 2 fjelltrimpoeng.

Vidare går turen over to flotte steinbruer.

Etter første brua går du over ei lita myr og inn i skogen litt til venstre. Du føl så skaret oppover, og når du har kome opp ser du stølen til høgre. Her får du 4 fjelltrimpoeng. Stølen ligg på nesten 400 meter over havet. God tur!