Under leiing av Anne Refsdal og andre hjelpsame sjeler arrangerte idrettslaget i dag den tradisjonsrike Nissemarsjen.

Totalt stilte rundt 30 barn og vaksne opp til start. Alle som ville fekk utdelt faklar før marsjen starta rundt klokka 17. Løypa gjekk i år  frå buss-skuret i krysset ovanfor sjukeheimen, om Øvre stølen og Prestesundet og tilbake til start. Vel attende venta Hannah Aurora Rutledal og Ida Helen Amdal med kakao og julekaker til alle. Dette fall sjølvsagt i smak, særleg blant dei minste deltakarane.

Idrettslaget takkar alle som var med å arrangere marsjen, og ikkje minst alle som tok seg tida til å gå denne tradisjonsrike romjulsturen med oss. Under ser du ein liten biletserie frå arrangementet: