Nye, flotte benkar utplasserte ved ballbingen!
- Detaljar
- Skriven av Kjetil Rutledal
På oppdrag frå saniteten og idrettslaget har Sindre Indrebø, med litt hjelp(kanskje av nær familie?), bygd og beisa ferdig to benkesett med bord som skal stå ved Stølsløkka ballbinge. Idrettslaget takkar Eivindvik Gulen Sanitetslag for den flotte gåva, og vi vonar benkane fell i smak blant alle føresette som no kan få kvilt beina litt medan avkommet spinn rundt på kunstgraset.
Det spirar og gror på Naturleikeplassen!!
- Detaljar
- Skriven av Kjetil Rutledal
Det har gått ei stund sidan taket på gapahuken vart sådd, og som de kan sjå frå dagens blinkskot har graset no kome fint opp. Legg og merke til den flotte benken som er plassert på nedsida.
Gapahuken ferdigbygd, torvtaket gjenstår. - Interessant video av byggeprosessen i artikkelen!
- Detaljar
- Skriven av Kjetil Rutledal
Tysdag 4.mai kom byggesettet til gapahuken frå leverandør Sønnesyn Sag i Hafslo. Tre dagars intensiv dugnadsinnsats seinare var størsteparten montert og ferdigbeisa utvendig. Hjørneborda vart ettermontert 8.mai.
Rekkverket over brua på turstien påbyrja!
- Detaljar
- Skriven av Kjetil Rutledal
Idrettslaget har tidlegare gått ut med informasjon om at ein ville få sett opp rekkverk over brua ovanfor sjukeheimen. Takka vere ei uvanleg stor dugnadsglede har Gaute Haveland no på eigahand påteke seg ansvaret med å få rekkverket opp. Han har kome godt i gang, og rekkverket vert ferdigstilt i løpet av nokre veker.
Fundamentet til gapahuken ferdig støypt!
- Detaljar
- Skriven av Kjetil Rutledal
Det går fort i svingane, og dugnadsinnsatsen er formidabel i bygda. Laurdag 24. april vart plata til den nye gapahuken som skal stå på "naturleikeplassen" støypt.