Eivindvik Idrettslag legg frå i dag av ut all relevant informasjon frå årsmøta under ei eiga fane på nettsida.
Fana finn de oppe til høgre på nettsida, med tittelen "Årsmøtearkiv". Om ein nyttar smarttelefon, finn ein fana nederst på menyen.
Under hovudfana finn ein fire underfaner, med namna "Referat årsmøte", "Årsmeldingar", "Val" og "Rekneskap".
Om ein klikkar på ei underfane, t.d. "Årsmeldingar", vil ein komme til ei side der det ligg ein link til dokumentet frå årets årsmøte. Linken har tittelen "Årsmeldingar for 2019". Klikkar ein på denne linken, får ein opp alle årsmeldingane som vart skrivne av nemndene for år 2019.
Om ein klikkar på dei andre underfanene får ein opp tilsvarande relevant informasjon for det aktuelle emnet.
Tanken vidare er at ein etter kvart årsmøte legg inn linkar og dokument for det gjeldande året. På denne måten vil idrettslaget ha ein trygg og god lagringsplass for denne informasjonen. I tillegg vil dokumenta ligge tilgjengeleg for interesserte til ei kvar tid.
Kjetil Rutledal
Nestleiar
