Idrettslaget har beslutta at all organisert treningsaktivitet for vaksne i laget sin regi vert sett på vent inntil vidare. I fylgje rektor Einar Thune ved Eivindvik barnehage og skule er gymsalen fortsatt stengt for bruk utanfor skulen si opningstid. 

Dei ungane som før sommaren gjekk i 1.- til 4.- klasse vil få tilbod om fotballtrening utandørs fram til haustferien. Dei skal mellom anna delta i ei fotballturnering på Matre i nær framtid.

I fylgje rektor vil det gjerast nye vurderingar kring bruk av gymsal i løpet av hausten.

Viss gymsalen vert opna for trening, vil vi prøve å organisere innandørs fotballtreningar for 1.- til 4.- klasse etter haustferien. Dei som byrjar i 1.klasse neste veke er då hjarteleg velkomne.

For vaksne vil all trening med risiko for nærkontakt verte innstilt på ubestemt tid. 

"Flesketrimmen" vil truleg vere mogeleg å gjennomføre om ein finn retningslinjer for reingjering av utstyr og gymsalen vert opna. Dette kjem vi tilbake med meir informasjon om på eit seinare tidspunkt.