Det har i løpet av helga vore uvedkomande inne på skulen og gjort hærverk, hovudsakleg i form av tagging, i bomberommet og gamle bassenget. Det er ingen teikn til innbrot, så mest truleg har gjerningspersonane nytta nøkkel.

Idrettslaget har vore i kontakt med rektor, og ein har i fellesskap vorte samde om fylgjande;

- Nøkkelen idrettslaget disponerar, som har lege i ein nøkkelboks med kodelås utanfor inngangsdøra til gymsalen, vert teken vekk med umiddelbar verknad.

- Om ein er ansvarleg for trening i regi av idrettslaget, får ein no nøkkel ved å kontakte Kjetil Rutledal på tlf 99263363. Nøkkelen må hentast personleg.

- Nøkkelen leverast attende til Kjetil Rutledal etter endt trening, evt kan den lånast vidare dersom andre treng den til organiserte treningar seinare samme dag. Ansvaret for tilbakelevering av nøkkelen ligg då hos den trenaren som sist gjennomfører si trening.

Eivindvik skule og barnehage ber dei som er ansvarlege for dette om å stå fram, gjerne ved å kontakte rektor direkte. Skulen vil då be dei skuldige om å rydde og vaske etter seg, for deretter å legge ballen død.