Etter at regjeringa denne veka la fram nye innskjerpingar og restriksjonar for å hindre fortsatt aukande smitte i samfunnet, må idrettslaget diverre meddele at samtlege treningsaktivitetar i vår regi no vert sett på pause nok ein gang.

Endringa i regelverket gjeld i fyrste omgang for fire veker, men det er venta at denne perioden nok kan verte ein del lenger. 

Det er i fylgje retningslinjer frå Idrettsforbundet lagt opp til at born og ungdom fortsatt kan trene i lag inne, men då med begrensing på antal deltakarar og ein føresetnad er at alle tilhøyrer same kohort på skulen.

Idrettslaget har vore i kontakt med smittevernsansvarlege i kommunen, og ventar meir nøyaktige svar på korleis ein skal få gitt eit treningstilbod til dei yngste over nyttår. Fleire av desse treningsgruppene har bestått av deltakarar frå forskjellige kohortar.

Link til skrivet frå Norges Idrettsforbund finn de her:

https://www.idrettsforbundet.no/nyheter/2021/nye-inngripende-tiltak-for-idretten/ 

Idrettslaget vil via nettside og Facebook oppdatere informasjonen når eventuelle endringar vert vedteke.