1. november starta vintertrimsesongen opp att. Idrettslaget ynskjer å få flest mogeleg opp i fjellet, og har 

av den grunn ein ekstra premiekonkurranse gåande samstundes. I år er utfordringa å komme seg 10 turar opp på Høgefjellet i løpet av vintertrimsesongen.

Når ein er på toppen registrerer ein seg anten på Georeg-appen eller ved å skrive seg i boka som ligg der. 

Vinnaren vert trekt etter at sesongen er avslutta. Premien i år er eit gåvekort på kr 1000 hjå XXL. 

Konkurransen er open for både barn og vaksne, men hugs at du må vere medlem i idrettslaget for å vere med i premietrekninga! 

Lykke til!