Godt oppmøte på årsmøtet- ekstra merksemd til Tove Rutledal for lang og tru teneste!

Det var overraskande god deltaking på årsmøtet til Eivindvik IL søndag. Kring 30 personar var innom i løpet av møtet og den påfylgjande bingoen, av desse var heile 10 born i alderen 0 til 10 år!

Les meir …

Vegvisarskilt på "halv åtte"- kan nokon forbarme seg over det?

Treskiltet til Flolidfjellet, som står i krysset mot Torvhyttene, treng hjelp til å komme seg "på beina" att. Trimgruppa har for tida utruleg mange småoppdrag med vedlikehald langs stiane, og når ikkje over alt. Kan nokon ta seg tida og hjelpe oss med dette?

NB!! Hugs årsmøtet i Eivindvik IL kommande søndag kl 14!

Vi minner om årsmøtet vårt i Mediateket på skulen søndag 10.mars kl 14. Møt opp for ein interessant gjennomgang av aktuelle saker, rekneskap for 2023, val av styre/nemder og utdeling av fjelltrimpremiar. Gratis servering av kake, saft og kaffi. Årsmøtet avsluttast på vanleg vis med tre rundar bingo. Vel møtt!!

Frisbeegolf-bana rydda for kratt og greiner!

Frisbeegolf-bana langs turstien mellom Øvre stølen og Solleibotn vart ferdigstilt i fjor. I den samanheng vart det og gjort eit ganske omfattande ryddearbeid i og rundt bana. 

Les meir …

Nettsida nede tysdag 5.mars grunna vedlikehald!!

Vi har den seinare tid hatt ein del utfordringar med nettsida, noko som mellom anna har ført til problem med biletopplasting og bortfall av innlasta dokument. Dette vert forsøkt retta opp i morgon, det vil då ikkje vere mogeleg å komme inn på sida før ein er ferdig. 

Turn-opplæring for dei minste tre måndagar framover!

Turn-interessa blant dei yngste har alltid vore stor. Vi tilbyr no ei enkel, grunnleggande opplæring for dei som er mellom 3-4 år(fødd i 2020) og dei som no går i 2.klasse. Finn meir info under:

Les meir …

Viktige datoar for framtidige arrangement fastsett!

Øvst oppe på nettsida finn de no viktige arrangementsdatoar for 2024. Meir utfyllande informasjon kjem på nettsida/Facebook når det enkelte arrangementet nærmar seg.

Idrettsrådet inviterar til Barneidrettstrenarkurs på Dalsøyra 10- og 11. februar!

Har du lyst å bidra til å skape eit allsidig treningstilbod for born og unge i skulekrinsen? Gulen idrettsråd inviterar nok ein gong til "Barneidrettstrenar-kurs" for alle medlemmar av idrettslag i Gulen. EIL sponsar deltakaravgifta for alle våre som melder seg på.Sjå info om kurset og påmeldingsfrist i artikkelen!

Les meir …

5 dagar til "Trygg på trening"-seminaret! Meld deg på du og!

Seminaret er ope og aktuelt for alle, uavhengig av rolle i EIL. Føresette, ungdom over 14 år, tilsette i skule/barnehage/SFO, her vil de lære mykje som de kan ta med dykk vidare i livet. Vi treng fleire deltakarar, gjer noko med det og meld deg på til Denne e-postadressa er beskytta mot program som samlar e-postadresser. Du må aktivere javaskript for å kunne sjå den. Påmeldingsfrist kommande fredag!